"Білекті бірді жығады" дей тұрғанмен, "күш атасын танымайтыны" - ақиқат. Қазақ халқының өз руханиятын Аллаға жалғап, болмысын таза ұстауының арқасында батыр-бағландары, бекзат болмысты бекзада ұлдары көп болған. Бүгін ғана ғой, өркениеттің бәрі Батыста, діннің бәрі араб пен түрікте, жақсылықтың бәрі басқада, өркениеттің бәрі жатта деп, қағымыздан жеріп жүргеніміз. Болмаса Мәшһүр атамыз айтқандай "Дін да, ғылым да, әулиелік те қазақтың тілінде тұр". Амал қанша, басқаның қаңсығын таңсық көріп, бекзат болмысымызды бағалай алмай жүрміз ғой. Видеодағы ата деуге жарап қалған ағамыздың атанның...

"Кісінікінің кілті аспанда",-дейді халық даналығы. Шеттен келген өнімдерге кім, не қосатынын дүп басып білмейсің. Бұл көкейге күдік ұялатары ақиқат. Мына бір шағын роликте Қытайдағы алманың қорапталу барысы көрсетілген. Мұнда қара түсті белгісіз сұйықтықты алманың сыртына жағып қорапқа салып жатыр. Ол не сұйықтық екенін кім білсін.Отандық өндірісті дамуына қолдау білдіріп, өз еліміздің өнімдерін тұтынайықшы. "Өзіңдікі өзекке тепсең де кетпейді". Татқанның таңдайында қалатын Алматының шырын апортына жетер алма қайда. 

Кейде өмір ит пен мысықты да достарстырып жатады. Сонда дейім ғой, қырық пышақ боп қырқыспай, қырық өрім қамшыдай біріге алсақ қой. Қазақтың жеріне, еліне, тәуелсіздігі мен бар байлығына көз алартып отырған іші-сыртымыздағылардың арқасын осып түсер едік. Әттең, аққу-көкке, шортан-көлге, шаян-жерге тартып тұрмай ма.

Олар жауынан сескенбейді, қашанда тік қарайды, жүні жығылмайды. Боран мен үскірік аязда олардың жүні жылтырап, құлпыра түседі. Олардың күшімен қатар, айласы да бар. Ит құсап көрінуі мүмкін, бірақ, олар ит емес. Жауларын бірге алады, азығын бірге аулайды. Олар ешкімнің қолына қарамайтын түз тағысы. Ал, сен ші, Алаш баласы?

Ит екеш иттің өзінде мейірім болады екен. Өз нәсілі болмаса да... Жаны ашиды. Өлімге қимайды. Құтқарып қалуға аласұрып, шығар жол іздеп жанталасады.  Ал, біз - мұсылмандар ші? Бөлініп, әркімнің шапанының астындан бір-бірімізге әртүрлі "оқ" атамыз. Сыртынан сынаймыз, мінейміз. Керексе әлдекімнің өлімі үшін бәзбіріміз қуанамыз-ау дейім. Аяқтан шаламыз. Арп еткізіп қауып алатымызды айтсайшы. Жерге ұрсақ, мойыннан асырып, екінші тұрмастай етуге бар ынта-жігерімізді  саламыз. Алдыға оздырмай тұмсықтан қағуда.... Пай, пай, пай, шеберміз, әй, шеберміз.  Періштеден биік жүргендеріміз де бар шығар....